csl手機專員開箱:攝影新玩法 Xiaomi Mi 10T 5G系列

旗艦、入門選擇都一應俱全,但究竟點揀先好?支援 5G 極速網絡並以 Qualcomm®️ Snapdragon™ 865 旗艦級 5G 處理器推動,Xiaomi Mi 10T Pro 5G 配置6.67 吋 144Hz AdaptiveSync 變速螢幕下,操作起嚟反應晒夠快同流暢。至於攝影方面,佢就具備咗 108MP 超清主攝及配備OIS防震功能,另外更有 6 種全新長曝光模式及分身拍攝功能,搭配埋內置 5,000mAh 超大容量電池拎出去玩就唔怕無電喇!同步登場嘅Xiaomi Mi 10T 5G配置其實都差唔多,只係鏡頭方面採用咗 Sony 6,400萬像素超清主攝。兩者都令你以後唔使再做一系列複雜設定,一 click 就可以影到大師級作品。

最後入門級嘅 Xiaomi Mi 10T Lite 5G 就採用咗Qualcomm®️ Snapdragon™ 750G 處理器,並配有 6.67吋 120Hz AdaptiveSync 變速螢幕。喺啟動 360° 三重環境光感應器下,畫面就會根據環境自動調節光暗。另外喺攝影方面,佢就具備 6,400 萬像素 AI 四鏡頭,並同樣支援 6 種全新長曝光及前後雙景拍攝,再加上佢內置 4,820 mAh 超大容量電池,全日帶住佢周圍打卡都無問題!